حـبٍ يشيّب صاحبه ما بَعَدْ شاب
..................... وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب
................... وحبٍ يدوم وصاحبه في غيابه
وحب يذوّب خافقٍ ما بعد ذاب
..................... وحبٍ يداوي صاحبه من عذابه
وحبٍ يتوّب خافقٍ ما بَعَدْ تاب
...................... وحبٍ يزيدك رغبةٍ في الكتابه
وحبٍ حياته كلّها لوم وِعْتاب
.................... وحـبٍ حقيقي ما يضرّك عتابه
وحبٍ بلا معنى وحبٍ بلا اسباب
.................. يبدا غريب وينتهي في غرابه
وحبٍ ضعيفٍ مثل حبرٍ على كْتاب
.................. تمحيه دمعــه في ثواني كآبه
وحبٍ قويٍ مثل قصرٍ له ابواب
.................. لو هبّ عاتيْ الريح ما اهتز بابه
وحبٍ بداية رحلته نظرة اعجاب
................... واخــــــر مطافه مثل يومٍ بدا به
وحبٍ يعيش بداخل قْلوب الاحباب
.................. وحبٍ يشــــيع وكل حَيٍ درى به
وحبٍ مقامه في ضلوع الصَدِر طاب
.................. وحــــبٍ يعــــدّي مثل مرّ السحابه
وحبٍ على قبره نعق بوم وغْراب
................. وحــــــبٍ تغنّى بــــه لحون الربابه
وحبٍ بمقدارٍ وحبٍ بلا حْساب
.................... وحـــــبٍ بمعروفٍ وحـــــــــبٍ نهابه
وحبٍ يعيش أهله وسط داره اغراب
.................... ويموت قهر ويندفن في ترابه
وحبٍ غدا سرّه سوالف للاجناب
.................. وحبٍ يموت وصاحبه ما حكى به
وحبٍ يشيب وصاحبه ما بَعَدْ شاب
................. وحبٍ يشيّب صاحبه في شبابه
ااتمى ردودكمممممممممممممممممممممممممم
وكل عام وانتم بخير
