.... مليت مابي بالهوى غير دنياك...

هـلت دمـوع العين منـي تناديــك
ملـت ثواني سـاعتي طول فرقـاك

طيــفك يجيني حلـم وأفز لـــبيك
كـنك حظرت وخافقي قال حـــياك

وفاح العطر في غرفتي وأنتشى فيك
وألغى وجوده يا حبيبي فوح ذكـراك

حتى الظلام اللي كـسى جو مغلــيك
زاح وضوى من عقبه ألفين شبــاك

وأتخيلك قدام عيــني وأناجـــيك
ملـيت مابي بالـهوى غـير دنيـاك

وأجمع شتاتك وأنتثر بين أياديـك
ودي أذوب بـداخــلك يـوم لقيــاك

وأشعلك شمعه داخلي وأحترق فيــك
وأسـهرك ليلة وأسـطبح في محيـــاك

وأكتبك جمله وأشطبك حرف وأمحـيك
والقاك شعر(ن) داخـلي عـذب وأقــراك

وعهد(ن) علي بصافي الود لسقــيك
نـبع الحـنان بـداخلي مـلك يمنـــاك

وأتخيلك قدام عيــني وأناجـــيك
ملـيت مابي بالـهوى غـير دنيـاك
الله يسلم الايادي يارب

احساس مرهف قصيده رائعه تدل على ذوقك الرفيع

تقبل مروري
سهر الليالي